معلش هالمرّة أحكي بدون مُفردات معقّدة؟
انتَ مِش الوحيد إلّي انخذل، ولا الوحيد إلّي زعِل، ولا الوحيد إلّي الدنيا كُلها على كِتفه، بس بتقدر تحكي إنّك الوحيد إلّي ما مشيت وما عدّيت عن هاي الشغلة، بتقدر تحكي إنّك الوحيد إلّي أثّر فِيك الموقف، أثّر على حياتك كُلها، بس قادر تتخطّى هالموقف، وبقصد تتخطّى مِش تنسى! صعب تنسى شغلة صارت معك وحسّيتها ضربة سيف بقلبك، بس قادر تعافي لو جُزء صغير مِن الضربة مرّة على مرّة، جرّب ابعد عن إلّي كان بإيدو السّيف، يمكن تكون أحسن بشويّة، جرّب شوف أصحاب وشلّة جديدة بس كُون واعي هالمرّة كيف تختار، وأنا ما بحب أحكي كتير، بس لمّا تتذكّر الموقف إلّي مطبوع بذاكرتك رح تزعل، أنا ما بدي تزعل مِن الكلام، بدي تفهم إنّك لازم تختار صح وتكون أوعَى مِن قبل، عَشان ما ترجع تتعب وتزعل من نفس الموقِف، وبحكي وبعيد إنتَ قادر تتخطّى كُل شئ، قادر تكُون أقوى مِن كُل مرّة، اضحك على عقلَك مرّة بتمشي الدنيا، مَا تستصعب أي شئ ، انتَ قادر تتخطّى وقادر تكون أحسن وقادر تتذكّر الموقف وتضحك عليه، وبالآخِر عشان ما ترجع تنخذل وتزعل اختار صح واتخطّى الموقف وحاول تنساه.
بقلم: #عيسى_جمال